LIRIK LAGU MATE MATE

Mate – mate geutanyoe mate

Koen hudep sabe sinoe di donya

Nyo gampong donya tempat persinggahan

Akhirat taulan yang kekal baqa'

Hudep lam donya Dang – dang tho reoh

Tamse ta piyoh yup kaye raya

Hana jan ta theie nyawoeng ka putoh
Oeh tinggai tuboh hana le guna

Masa lam donya leupah that tari

Gincu bak bibi mirah lagoina

Oeh te ka mate hana le tari

Lagei boh sunti ka keuneng sira

 Masala lam donya leupah that lagak

 Mata meucilak mi ap(make up) bak muka

 Oeh te ka mate hana le lagak

 Ka keu neng tapak bak ma karon dua

Beuna ta teupeu wahe eu rakan

Uro mate nyan cukop bahgia

Keu ureng ta’at Peu buet ‘amalan

Nibak masa nyan harap rabbana

 Leupah that seudeh han ek ta bayang

 Meunyo masa nyan si man durhaka

 Maksit keu Tuhan uroe ngon malam

 Dum di kerjakan larang Rabbana

Tuleung manteng keng urat goh putoh

Babah manteng roh peu yang tabaca

Pebuet ibadat beu sunggoh – sunggoh

Bek rugoe tubuh hana le guna

Ibarat hudep lam peurantowan

Ta mita bekai untuk ta gisa

Keupangkai tawoe keudeh bak Tuhan

Dudoe menyesai hana le guna

Keu peu mita peng ka cula – caloe

Malam ngon uroe himpon hareuta

Amai yang shaleh hana ta hiroe

Oeh mate tanyor meusoe keuh bela

Keu pu mita peng ka cula – caloe

Malam ngon uroe himpon hareuta

Aneuk yang shaleh hana meusidroe

Oeh mate tanyoe soe baca do’a

Mate – mate geutanyoe mate

Awai ngon akhe hana meuhingga

Oeh tawoe – tawoe geutanyoe tawoe

Keudeh u nanggroe yang kekai baqa

Hudep lam donya dang – dang tho reuoh

Tamse ta piyoh yup kaye raya

Hana jan ta thei nyawong ka putoh

Oeh tinggai tuboh hana le guna